Президент Қаржылық мониторинг агенттігінің төрағасы Жанат Элимановты қабылдады
![Президент Қаржылық мониторинг агенттігінің төрағасы Жанат Элимановты қабылдады](https://61trabzongazetesi.com/wp-content/uploads/2023/01/Президент-Қаржылық-мониторинг-агенттігінің-төрағасы-Жанат-Элимановты-қабылдады-700x420.jpg)
Президент Қаржылық мониторинг агенттігінің төрағасы Жанат Элимановты қабылдады https://t.co/OIKDyScHPq pic.twitter.com/k44xY7O7Qj
— President Kassym-Jomart Tokayev’s Press Office (@aqorda_press) January 6, 2023
Жаңалықтар
Ақорда
Президент Қаржылық мониторинг агенттігінің төрағасы Жанат Элимановты қабылдады
2023 жылғы
Мемлекет басшысына Агенттіктің былтыр атқарған жұмыстары туралы есеп берілді.
Президентке бизнестің қылмыстық процеске қатысын азайту үшін Агенттіктің жүйелі жұмыстар жүргізіп жатқаны жөнінде баяндалды. Соңғы төрт жылда тіркелген істер саны екі есе кеміген.
Жанат Элимановтың айтуынша, жалған шот-фактуралар жазып беру арқылы салық төлеуден жалтаруға көмектесіп, қаржыны қолма-қол ақшаға айналдыратын мыңнан астам фирманың қызметі тоқтатылды. Сондай-ақ 110 заңсыз ойынхана мен алкоголь өнімін шығаратын 44 жасырын цех жойылды.
Мемлекет басшысына қаржы пирамидаларын жою жөніндегі тапсырмасының орындалу барысы туралы мәлімет берілді. Былтыр қаржы алаяқтарының қызметін жарнамалайтын 13 мың веб-парақша мен аккаунт бұғатталды. Сондай-ақ 29 қаржы пирамидасының жолы кесіліп, зардап шеккен азаматтардың 8,3 миллиард теңге көлемінде шығыны өтелді. Жалпы, қабылданған шаралардың нәтижесінде құны 300 миллиард теңгеден асатын активтер қайтарылды.
Қасым-Жомарт Тоқаевқа Агенттік үйлестіруімен қаржыны жылыстатуға қарсы ұлттық жүйеге реформа жүргізілгені жөнінде баяндалды. Бұл қолданыстағы заңнаманы халықаралық ФАТФ (FATF) cтандарттарымен барынша сәйкестендіруге мүмкіндік берді.
Кездесу соңында Мемлекет басшысы қаржы пирамидаларының қызметі мен алаяқтардың қитұрқы әрекеттерінің жолын кесу жұмыстарын жалғастыруды, сондай-ақ адал бизнесті қорғауға, қаржылық және экономикалық қылмыстарға қарсы күрес шараларын күшейтуді тапсырды.
Кері қайту Кері қайту
kaynak:https://akorda.kz/kz/prezident-karzhylyk-monitoring-agenttinin-toragasy-zhanat-elimanovty-kabyldady-60231
Президент Қаржылық мониторинг агенттігінің төрағасы Жанат Элимановты қабылдады https://t.co/OIKDyScHPq pic.twitter.com/k44xY7O7Qj
— President Kassym-Jomart Tokayev’s Press Office (@aqorda_press) January 6, 2023